మున్సిపాలిటీ ఎన్నికల వివాదంపై విచారణ వాయిదా

మున్సిపాలిటీ ఎన్నికల వివాదంపై వ్యాజ్యాల విచారణను హైకోర్టు వాయిదా వేసింది. పిటిషనర్ అంజుకుమార్​రెడ్డి దాఖలు చేసిన కౌంటరుపై సమాధానం ఇచ్చేందుకు గడువు కావాలన్న ప్రభుత్వ విజ్ఞప్తి మేరకు సెప్టెంబరు 9కి  వాయిదా వేస్తూ నిర్ణయం తీసుకుంది.

మున్సిపాలిటీ ఎన్నికల వివాదంపై దాఖలైన వ్యాజ్యాల విచారణను హైకోర్టు సెప్టెంబరు 9కి వాయిదా వేసింది. మున్సిపల్​ కమిషనర్లు... వార్డుల విభజనపై ఎంపీల అభిప్రాయాలను తీసుకున్నారన్న ప్రభుత్వ వాదన అబద్ధమంటూ పిటిషనర్​ అంజుకుమార్​ రెడ్డి ఉన్నత న్యాయస్థానంలో మంగళవారం రిప్లై కౌంటరు దాఖలు చేశారు. తమ అభిప్రాయాలు తీసుకోలేదని ఎంపీలు రేవంత్​రెడ్డి, కోమటిరెడ్డి వెంకటరెడ్డి, బండి సంజయ్​ అఫిడవిట్లు సమర్పించారు. అయితే దీనిపై వాదనలు వినిపించేందుకు గడువు కావాలని ధర్మాసనాన్ని ప్రభుత్వం కోరింది. స్పందించిన ఉన్నత న్యాయస్థానం... ఈ వ్యవహారంలో దాఖలైన అన్ని వ్యాజ్యాలపై విచారణ వాయిదా వేసింది.

ఇదీ చూడండి : సాక్షిని వేధించిన ఖాకీలు..యువకుడి ఆత్మహత్య