Hyderabad Rains Today: హైదరాబాద్​లో జోరు వర్షం.. రోడ్లన్నీ జలమయం..

Hyderabad Rains Today: హైదరాబాద్‌లో వరుణుడు మరోసారి ప్రతాపం చూపించాడు. ఈరోజు పలుచోట్ల కురిసిన వర్షానికి నగరవాసులు తడిసి ముద్దయ్యారు. రహదారుల పైకి నీరు రావడంతో వాహనాదారులు, బాటసారులు ఇబ్బందులు పడ్డారు. మరోవైపు రాష్ట్రంలో ఈరోజు, రేపు అక్కడక్కడ భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది.

Hyderabad Rains Today: హైదరాబాద్‌లో పలు ప్రాంతాల్లో జోరుగా వానలు కురుస్తున్నాయి. గరంలోని పలు ప్రాంతాల్లో భారీగా వర్షం పడింది. వానహోరుతో వాహనదారులు ఇబ్బంది పడ్డారు. రోడ్లు జలమయమయ్యాయి. కోఠి, బేగంబజార్, సుల్తాన్ బజార్, అబిడ్స్, ట్రూప్ బజార్, నాంపల్లి, బషీర్​బాగ్, లక్డీకాపూల్‌, నారాయణగూడ, హైదర్​గూడ, ప్రాంతాల్లో భారీ వర్షం కురిసింది.

హిమాయత్​నగర్, చిక్కడపల్లి, బాగ్‌లింగంపల్లి, రాంనగర్, దోమలగూడ, బోలక్‌పూర్, కవాడిగూడ ప్రాంతాల్లో జోరు వాన కురిసింది. గాంధీనగర్, జవహర్‌నగర్‌, బంజారాహిల్స్, పంజాగుట్ట, ఎస్ఆర్​నగర్, సనత్‌నగర్‌ ఆర్టీసీ క్రాస్‌రోడ్‌, ముషీరాబాద్‌ ప్రాంతాల్లో వర్షం దంచి కొట్టింది. ఏకధాటిగా కురిసిన వర్షానికి వరదనీరు రహదారుల పైకి రావడంతో వాహనదారులు ఇబ్బందులు పడ్డారు.

రాష్ట్రంలో ఈరోజు , రేపు అక్కడక్కడ భారీ వర్షాలు: రాష్ట్రంలో ఇవాళ, రేపు అక్కడక్కడ భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. రాగల 24గంటల్లో ఆదిలాబాద్‌, నిర్మల్‌, నిజామాబాద్, కరీంనగర్‌, పెద్దపల్లి, జయశంకర్ భూపాలపల్లి,.. వికారాబాద్, సంగారెడ్డి, మెదక్‌, కామారెడ్డి, మహబూబ్‌నగర్, నాగర్​కర్నూల్‌ జిల్లాల్లో 7 సెంమీ కంటే ఎక్కువ వర్షపాతం నమోదవుతుందని వాతావరణ కేంద్రం పేర్కొంది.

రేపు కూడా ఆదిలాబాద్, నిర్మల్, నిజామాబాద్, వికారాబాద్, సంగారెడ్డి, మెదక్‌, కామారెడ్డి, మహబూబ్‌నగర్, నాగర్‌కర్నూల్ జిల్లాల్లో ఓ మోస్తరు నుంచి భారీ వర్షాలు కురిసే అవకాశం ఉదని వాతావరణ కేంద్రం తెలిపింది.

ఇవీ చదవండి: 'కేసీఆర్.. తట్టబుట్ట సర్దుకొని మీరు కొంటున్న విమానంలో పారిపో..'