వినాయక చవితిని ఇళ్లలోనే జరుపుకోవాలని దేవాదాయ శాఖ మంత్రి అల్లోల ఇంద్రకరణ్రెడ్డి ప్రకటించడం హాస్యాస్పదంగా ఉందని గోషామహల్ ఎమ్మెల్యే రాజాసింగ్ మండిపడ్డారు. పండగకు 4 రోజులే ఉందనగా.. ఇలా చెప్పడమేంటని ప్రశ్నించారు. ప్రభుత్వం తీసుకున్న ఈ నిర్ణయం వల్ల.. అనేక మంది ఇబ్బందులకు గురవుతారన్న ఆయన.. దూల్‌పేట గణేశ్ విగ్రహ తయారీదారులను ప్రభుత్వం ఆదుకోవాలని విజ్ఞప్తి చేశారు.
వినాయక చవితి సందర్భంగా లక్ష మట్టి గణేశ్ విగ్రహాలను పంచుతామని ప్రకటించిన ప్రభుత్వం.. దూల్పేటలో తయారైన విగ్రహాలన్నింటినీ కొనుగోలు చేయాలని రాజాసింగ్ డిమాండ్ చేశారు. కరోనా తీవ్రత దృష్ట్యా పండగను ఇళ్లలోనే జరుపుకోవాలంటున్న ప్రభుత్వం.. బక్రీద్‌కు ఎలా అనుమతిచ్చిందని ప్రశ్నించారు. కొవిడ్ ఇప్పట్లో తగ్గే పరిస్థితి లేదని.. అప్పటి వరకు హిందూ పండగలను జరుపుకోనివ్వరా అంటూ ధ్వజమెత్తారు. కరోనాకు తగు జాగ్రత్తలు తీసుకుంటూనే.. గణేశ్ ఉత్సవాలకు అనుమతించాలని ప్రభుత్వాన్ని కోరారు.
ఇదీచూడండి: 'గ్రామీణ ఆర్థిక వ్యవస్థపై ఐఐటీలు దృష్టిసారించాలి'
