రాష్ట్ర వ్యాప్తంగా పట్టణప్రగతి కార్యక్రమం చేపట్టిన రాష్ట్ర ప్రభుత్వం... పురపాలికల వారీగా బడ్జెట్ రూపకల్పనకు ఆదేశాలు జారీ చేసింది. ఈ మేరకు బడ్జెట్ ప్రతిపాదనల తయారీకి పురపాలకశాఖ సంచాలకులు మార్గదర్శకాలు ఇచ్చారు.
పురపాలక చట్టంలో పొందుపర్చిన ప్రకారం బడ్జెట్ ప్రతిపాదనలు రూపొందించాలని స్పష్టం చేశారు. పురపాలికకు సంబంధించిన సొంత ఆదాయాలు, ఇతర నిధులు, అన్ని రకాల వ్యయాలను అందులో పొందుపర్చాల్సి ఉంటుంది. చట్టంలో పేర్కొన్న ప్రకారం బడ్జెట్లో విధిగా పదిశాతం నిధులను గ్రీన్ బడ్జెట్కు కేటాయించాలని సూచించారు. ఆ నిధులతోనే పురపాలికకు సంబంధించిన హరిత ప్రణాళికను అమలు చేయాలన్నారు.
బడ్జెట్ ప్రతిపాదనల తయారీ కోసం మార్చి నాలుగున జిల్లా కలెక్టర్లతో ప్రాథమిక సమావేశం నిర్వహించాలని మున్సిపల్ కమిషనర్లను ఆదేశించారు. అనంతరం వచ్చే నెల 15 లోపు పాలకమండలి సమావేశాలు ఏర్పాటు చేసి బడ్జెట్ ప్రతిపాదనలకు తప్పనిసరిగా తెలపాలని స్పష్టం చేశారు. ఇందుకోసం వెంటనే పురపాలికల వారీగా బడ్జెట్ ప్రతిపాదనలను జిల్లా కలెక్టర్లు, రాష్ట్ర ప్రభుత్వానికి పంపాలని ఆదేశాల్లో పేర్కొన్నారు.
ఇదీ చూడండి : 'ఆలయాల పేరుతో అక్రమాలు చేస్తుంటే మీరేం చేస్తున్నారు?'
