హైదరాబాద్లో శిథిలావస్థకు చేరిన భవనాలను కూల్చి వేసేందుకు ప్రజలు సహకరించాలని జీహెచ్ఎంసీ కమిషనర్ లోకేశ్కుమార్ కోరారు. నగరంలోని అన్ని సర్కిళ్లలో శిథిల భవనాల తొలగింపు కోసం నేటి నుంచి బల్దియా ప్రత్యేక కార్యక్రమాన్ని ప్రారంభించింది.
ఈ సందర్భంగా నగరంలోని అన్ని సర్కిళ్లలో గుర్తించిన శిథిల భవనాలను కూల్చివేస్తున్నట్లు లోకేశ్కుమార్ పేర్కొన్నారు. వర్షాకాలం నేపథ్యంలో ప్రమాదాలను నివారించి.. ప్రజలను రక్షించేందుకే వీటిని తొలగిస్తున్నామని తెలిపారు. కూల్చివేతల్లో నిరాశ్రయులైన వారిని కమ్యూనిటీ సెంటర్లలోకి తరలిస్తున్నట్లు వివరించారు. ముందు జాగ్రత్త చర్యల్లో భాగంగా జరుగుతోన్న పనులకు నగరవాసులు సహకరించాలని కోరారు.
శిథిల భవనాల కూల్చివేతకు సహకరించాలి:లోకేశ్కుమార్
