పట్టభద్రుల ఎమ్మెల్సీ ఎన్నికల్లో పోటీ చేసే బహుజనులను గెలిపించుకోవాలని సౌత్ ఇండియా పొలిటికల్ ఐకాస ఛైర్మన్ ప్రొ.గాలి వినోద్ కుమార్ కోరారు. హైదరాబాద్‌లోని బషీర్ బాగ్ ప్రెస్ క్లబ్‌లో ఏర్పాటు చేసిన ఓ సమావేశంలో ఆయన పాల్గొన్నారు.
బహుజనుల సమస్యలు పరిష్కారం కావాలంటే.. బహుజన అభ్యర్థులనే గెలిపించుకోవాలని వినోద్ సూచించారు. మహబూబ్ నగర్, హైదరాబాద్, రంగారెడ్డి ఉమ్మడి జిల్లాల పట్టభద్రులు.. అభ్యర్ధులు ప్రొఫెసర్ కె.రామకృష్ణ , ఫణీంద్ర భార్గవ్‌లకు ఓటు వేయాల్సిందిగా కోరారు. ఏ అభివృద్ధి చేయని మాజీ ఎమ్మెల్సీలు.. ప్రొఫెసర్ కె.నాగేశ్వర్, రాంచందర్ రావులు మళ్లీ ఎందుకు పోటీ చేస్తున్నారని ఆయన ప్రశ్నించారు.
ఇదీ చదవండి: ఎమ్మెల్సీ ఎన్నికలు.. అధికార, విపక్ష పార్టీల వ్యూహాలు
