తెలంగాణ విమోచన దినోత్సవం, ప్రధాని నరేంద్రమోదీ జన్మదినోత్సం పురస్కరించుకొని భాజాపా రాష్ట్ర మాజీ అధ్యక్షుడు లక్ష్మణ్ ముషీరాబాద్లోని పలు ప్రాంతాల్లో జాతీయ జెండా ఎగుర వేశారు. ఈ సందర్భంగా జీహెచ్ఎంసీ పారిశుద్ధ్య సిబ్బందికి, పేదలకు దుప్పట్లు పంపిణీ చేశారు.
రాష్ట్ర విమోచన దినోత్సవాన్ని అధికారికంగా నిర్వహిస్తామని ఆరేళ్ల క్రితం తెలంగాణ ఉద్యమ సమయంలో చెప్పిన ముఖ్యమంత్రి కేసీఆర్.. ఆ విషయాన్ని విస్మరించారని కె.లక్ష్మణ్ ఆరోపించారు. తెలంగాణ చరిత్రను భావితరాలకు అందించాల్సిన అవసరం ఎంతైనా ఉందని పేర్కొన్నారు. చరిత్రను విస్మరించే నాయకుల పట్ల ప్రజలు అప్రమత్తంగా ఉండాలన్నారు. కార్యక్రమంలో ఆ పార్టీ రాష్ట్ర ఉపాధ్యక్షుడు కొండపల్లి మాధవ్, ముషీరాబాద్ నియోజకవర్గం భాజపా కో కన్వీనర్ నవీన్ గౌడ్ తిరుపతమ్మ పాల్గొన్నారు.
ఇదీ చూడండి: బెడిసికొట్టిన రిపోర్టర్ డీలింగ్... ట్రాప్లో పడి కిడ్నాప్
