'కేసీఆర్​ రాచరిక పాలన సాగిస్తున్నారు'

తెలంగాణ శాసనసభకు కళంకం తెచ్చేలా కేసీఆర్ వ్యవహరిస్తున్నారని కాంగ్రెస్ మాజీ ఎమ్మెల్యే సంపత్‌కుమార్ ఆరోపించారు. కేసీఆర్ తన ఇంట్లో తీసుకునే నిర్ణయాలను అసెంబ్లీలో ఆమోదింప చేసుకుంటున్నారని విమర్శించారు.

కేసీఆర్ అసెంబ్లీని ప్రతిసారి తన రాచరికపు...కుటుంబ వ్యవహారంగా నడుపుతున్నారని కాంగ్రెస్​ మాజీ ఎమ్మెల్యే సంపత్​ కుమార్​ దుయ్యబట్టారు. రాబోయే మున్సిపల్ చట్టంలో ఏముందో ...కేసీఆర్ కుటుంబానికి తప్ప మరెవరికీ తెలియని పరిస్థితి నెలకొందన్నారు. మంత్రులు కేవలం కేబినెట్ భేటీలో వరుసగా నిలబడి సంతకాలు పెట్టడం తప్ప ప్రశ్నించే పరిస్థితిలో లేరని ఆక్షేపించారు. రాష్ట్రంలో రైతుల పరిస్థితి మరింత దయనీయంగా ఉందన్నారు. వర్షాల్లేక వ్యవసాయం పూర్తిగా కుంటుపడిందన్నారు. ప్రజల సొమ్మును రాజకీయ అవసరాలకు వాడుకుంటున్న కేసీఆర్‌కు భవిష్యత్‌లో మూల్యం చెల్లించక తప్పదని ఆరోపించారు.

ఇదీ చూడండి: రైతువద్ద లంచం.. తహసీల్దార్​పై సస్పెన్షన్​ వేటు