జన్మదిన వేడుకల్లో తల్వార్ను తిప్పి వీరంగం సృష్టించిన ఐదుగురిపై కేసు నమోదు చేశారు. ఈ ఘటన లాలాగూడ పోలీస్ స్టేషన్ పరిధిలో జరిగింది. హైదరాబాద్ లాలాపేట్ ప్రాంతానికి చెందిన దిలీప్ ముదిరాజ్ (28) తన జన్మదిన వేడుకలను అర్థరాత్రి ఒంటిగంట సమయంలో లాలాపేట్ లక్ష్మీనగర్ రోడ్డుపై స్నేహితులతో కలిసి జరుపుకున్నాడు. ఈ క్రమంలో తాగిన అతని స్నేహితులు ఉత్సాహంతో తల్వార్తో నడిరోడ్డుపై హల్చల్ చేశారు.
ఆ దృశ్యాలను వాట్సాస్ స్టేటస్లుగా పెట్టుకోవడంతోపాటు సామాజిక మాధ్యమాల్లో పోస్ట్ చేశాకు. అది కాస్త వైరల్ కావడం వల్ల పోలీసులు రంగంలోకి దిగారు. జన్మదిన వేడుకలు జరుపుకున్న దిలీప్తోపాటు ఆ వేడుకల్లో తల్వార్తో ఆడిన మరో నలుగురు స్నేహితులపై కేసు నమోదు చేశారు. దయాకర్ యాదవ్, చంద్రశేఖర్, ఆకాష్ వర్మ, అబ్బగాడి ఆకాష్లను అదుపులోకి తీసుకున్నారు. డిజాస్టర్ మేనేజ్మెంట్ యాక్ట్తోపాటు తల్వార్ను తిప్పి డ్యాన్స్ చేసినందుకు భారతీయ ఆయుధ చట్టం కింద కేసు నమోదు చేశారు.
ఇవీ చూడండి: ధ్రువీకరణ పత్రం ఇవ్వమని అడిగితే కత్తితో పొడిశారు!
