విలేకర్లమంటూ డబ్బులు వసూలు.. ఐదుగురి అరెస్ట్​

విలేకరులమంటూ పలు బ్యూటీ స్పా సెంటర్లలో అక్రమ వసూళ్లకు పాల్పడుతున్న ఐదుగురిని ఎస్‌ఆర్‌ నగర్ పోలీసులు అరెస్టు చేశారు. ఎవరైనా విలేకరులమని చెప్పి డబ్బులు వసూలు చేస్తే తమకు సమాచారం అందించాలని పోలీసులు తెలిపారు.

విలేకరులమని చెప్పి అక్రమవసూళ్లకు పాల్పడుతున్న ఐదుగురిని హైదరాబాద్​ ఎస్ఆర్​నగర్​ పోలీసులు అరెస్టు చేశారు. ఈ నెల ఏడున ఆర్​వై ఫ్యామిలీ స్పా సెంటర్​కు సురేందర్​ రాజు, ఎస్​. కిరణ్​ కుమార్​, టి. రఘునాథ చారి, రాజా కిషన్​, బి. రవి అనే వ్యక్తులు వచ్చి తాము విలేకరులను నమ్మించారు. నగరంలోని ఓ స్పా సెంటర్​లో రూ. 50 వేలు వసూలు చేశారు. నిందితులు అంబర్​ పేట, గాజులరామారం, బాలాపూర్​, కాచిగూడ, ఘట్​కేసర్​ ప్రాంతాలకు చెందినట్లు పోలీసులు గుర్తించారు. స్పా యజమాని ఫిర్యాదుతో కేసు నమోదు చేసి, రిమాండ్​కు తరలించారు.

ఇదీ చూడండి: వరంగల్​లో నలుగురు నకిలీ మావోయిస్టుల అరెస్ట్