ఛత్తీస్‌గఢ్‌ నారాయణపూర్ జిల్లాలో భద్రతా బలగాలు-మావోయిస్టులకు మధ్య ఎదురుకాల్పులు జరిగాయి. అంధారి ఐరన్‌ఓర్ ప్లాంట్‌పై మావోలు దాడి చేశారు. పరిశ్రమకు చెందిన 6 వాహనాలను తగులబెట్టారు.
కార్మికులను కూడా కిడ్నాప్ చేస్తుండగా సమాచారం అందుకొని అక్కడకు చేరుకున్న భద్రతా బలగాలు వారిని అడ్డుకున్నాయి. ఈ క్రమంలో చోటేడోంగ్రి వద్ద ఇరువర్గాల మధ్య కాల్పులు జరిగాయి. పోలీసుల నుంచి తప్పించుకున్న మావోయిస్టులు పలువురు కార్మికులను అపహరించి అడవుల్లోకి వెళ్లారు. కార్మికులను రక్షించేందుకు భద్రతా బలగాలు అడవిలో కూంబింగ్ నిర్వహిస్తున్నారు. ఈ ఘటనతో జిల్లాలో హై అలర్ట్ ప్రకటించారు. ఉన్నతాధికారులు ఆ ప్రాంతానికి అదనపు బలగాలను తరలించారు.
మరోవైపు కిడ్నాప్కు గురైన కార్మికుల కుటుంబసభ్యులు ఆందోళన చెందుతున్నారు. తమవారిని క్షేమంగా తీసుకురావాలని అధికారులకు మొరపెట్టుకున్నారు. వారికేమైనా జరిగితే ప్రభుత్వానిదే బాధ్యత అని హెచ్చరించారు.
ఇదీ చూడండి: Live video: వేగంగా దూసుకొచ్చి కారును ఢీకొట్టిన లారీ
