కాషాయ దళంలోకి మాజీ ఎంపీ వివేక్​?

పెద్దపల్లి మాజీ ఎంపీ వివేక్​ కమలం గూటికి  చేరనున్నట్లు సమాచారం. ఈ రోజు భాజపా అధ్యక్షుడు అమిత్​ షాతో వివేక్​ సమావేశం కానున్నారు. భాజపా జాతీయ ప్రధాన కార్యదర్శి రాంమాధవ్​, కేంద్ర హోంశాఖ సహాయ మంత్రి కిషన్​ రెడ్డితో చర్చలు ఇప్పటికే కొలిక్కి వచ్చినట్లు తెలుస్తోంది.

తెలంగాణలో బలమైన నేతలను తమ పార్టీలో చేర్చుకునే పనిలో భాజపా సఫలికృతమవుతోంది. తాజాగా పెద్దపల్లి మాజీ ఎంపీ వివేక్​ కాషాయ కండువా కప్పుకోనున్నట్లు తెలుస్తోంది. ఈ మేరకు వివేక్​ ఈ రోజు భాజపా అధ్యక్షుడు అమిత్​ షాతో భేటీ కానున్నట్లు సమాచారం. ఇప్పటికే భాజపా జాతీయ ప్రధాన కార్యదర్శి రాంమాంధవ్​, కేంద్ర హోంశాఖ సహాయ మంత్రి కిషన్​ రెడ్డితో చర్చలు జరిపినట్లు తెలుస్తోంది. తెరాస నుంచి పెద్దపల్లి ఎంపీ టికెట్​ దక్కకపోవడం వల్ల వివేక్​ ఆ పార్టీకి రాజీనామా చేశారు. అప్పుడు కమలనాథులు టికెట్​ ఇచ్చి పోటీ చేయించాలని భావించినా అందుకు ఆయన నిరాకరించారు. వివేక్​తోపాటు సోదరుడు, మాజీ మంత్రి వినోద్​ కూడా కమలం గూటికి చేరే అవకాశం ఉంది.

ఇవీ చూడండి: చింతమడక అభివృద్ధికి రూ 200 కోట్లు: కేసీఆర్