గగన విషాదంలో పెరుగుతున్న మృతులు
పాకిస్థాన్ విమాన ప్రమాదం ఘటనలో ఇప్పటివరకు 97 మృతదేహాలను వెలికితీశారు అధికారులు. మొత్తం 99 మందితో లాహోర్ నుంచి కరాచీ బయలుదేరిన పీకే-8303 విమానం... ల్యాండింగ్కు ఒక నిమిషం ముందు కూలి పోయింది. అయితే ఆ మృతదేహాలు ప్రయాణికులవేనా?
కరోనా రికార్డ్
దేశంలో కరోనా క్రమంగా వేగం పెంచుతోంది. గడిచిన 24 గంటల్లో దేశంలో రికార్డు స్థాయిలో 6,654 పాజిటివ్ కేసులు నమోదయ్యాయి. మరో 137 మంది వైరస్ బారిన పడి మృతి చెందారు. మరిన్ని వివరాలు.
కరోనా పంజా
జీహెచ్‌ఎంసీపై కరోనా వైరస్ పంజా విసురుతోంది. 14 రోజుల వ్యవధిలోనే ఇక్కడ 500 పాజిటివ్ కేసులు నమోదవడం ఆందోళన కలిగిస్తోంది. శుక్రవారం రాష్ట్రంలో 62 కరోనా పాజిటివ్ కేసులను నిర్ధారించగా, 42 జీహెచ్‌ఎంసీ పరిధిలోవే కావడం గమనార్హం. లాక్డౌన్ సడలింపులే కారణమా?
అంతుచిక్కని ప్రశ్నలు
వరంగల్‌ రూరల్‌ జిల్లా గీసుగొండ మండలం గొర్రెకుంట శివారులోని బావిలో 9 మృతదేహాల కేసు పోలీసులకు సవాల్ విసురుతోంది. ఇవి హత్యలా? ఆత్మహత్యలా?..ఈ దారుణాలకు వివాహేతర సంబంధమేమైనా కారణమా..?? ఇంతకీ గొర్రెకుంట గుట్టు ఏంటీ..?
నేడే ప్రకటన
కరోనా వైరస్ వ్యాప్తి నివారణకు విధించిన లాక్డౌన్ వల్ల విద్యార్థుల పరీక్షలన్నీ వాయిదా పడ్డాయి. ప్రస్తుతం వైరస్ నియంత్రణలోకి రావడం వల్ల రాష్ట్ర విద్యాశాఖ ఎంసెట్, ఈసెట్ పరీక్షలను నిర్వహించేందుకు సన్నద్ధమైంది. పరీక్షా తేదీలను నేడు ప్రకటించనుంది.
కొత్త వెబ్సైట్
తితిదే పేరుతో పుట్టుకొచ్చిన నకిలీ వెబ్సైట్ల వల్ల భక్తులు మోసపోకూడదని... కొత్త వెబ్సైట్ను అందుబాటులోకి తెచ్చినట్లు తితిదే ప్రకటించింది. కొత్త వెబ్సైట్లో మార్పులపై వివరణ..
ఆఫ్రికా లక్ష దాటేసింది..
ప్రపంచవ్యాప్తంగా కరోనా వైరస్ విజృంభణ కొనసాగుతోంది. ఆఫ్రికా ఖండంలో కేసుల సంఖ్య లక్ష దాటింది. వైద్య సదుపాయలు సరిగ్గా లేని ఆఫ్రికాకు ఇది ఆందోళన కలిగించే విషయం. అయితే వైరస్ వ్యాప్తి వేగం నిలకడగా ఉంటుందా?
అనీల్ అంబానీకి నోటీసులు
రిలయన్స్ గ్రూప్ ఛైర్మన్ అనీల్ అంబానీకి మరోసారి నోటీసులు జారీ చేసింది బ్రిటన్ హైకోర్టు. చైనా బ్యాంకులకు బాకీ ఉన్న717 మిలియన్ డాలర్ల బకాయిలు చెల్లించాలని ఆదేశించింది. ఎన్ని రోజుల్లో చెల్లించాలంటే..
'దాదా'గిరికి మద్దతు!
సౌరభ్ గంగూలీ ఐసీసీ ఛైర్మన్ అయ్యే అర్హత ఉందని ఇటీవలే దక్షిణాఫ్రికా క్రికెట్ డైరెక్టర్‌ గ్రేమ్‌ స్మిత్‌ చేసిన వ్యాఖ్యలు ఇప్పుడు క్రికెట్ వర్గాల్లో చర్చను రేపుతున్నాయి. ఎందుకంటే బీసీసీఐ అధ్యక్ష పదవికీ దాదా ఇలానే చడీచప్పుడు లేకుండా ఎన్నికయ్యాడు. అయితే ఈ ఎన్నికల్లో దాదా పోటీ చేస్తాడా లేదా?
'అవతార్ 2' షూటింగ్!
జేమ్స్ కామెరూన్ తెరకెక్కించిన 'అవతార్' చిత్రానికి ప్రస్తుతం సీక్వెల్ రూపొందుతోంది. వచ్చే వారం నుంచి న్యూజిలాండ్లో 'అవతార్ 2' చిత్రీకరణ మొదలవుతుందని ఆ చిత్ర నిర్మాత ప్రకటించారు. సాగే సన్నివేశాలను ఎక్కడ తెరకెక్కిస్తున్నారంటే...
