ప్రతి ఇంటికి నల్లా కనెక్షన్లు ఇస్తాం : మంత్రి ఎర్రబెల్లి

శాసన మండలిలో మంత్రి ఎర్రబెల్లి దయాకర్​ రావు పలువురు శాసన మండలి సభ్యులు అడిగిన పలు ప్రశ్నలకు సమాధానాలిచ్చారు. పలు ప్రాంతాల్లో ప్రజలు ఎదుర్కొంటున్న మంచినీటి సమస్యలపై ఎమ్మెల్సీలు అడిగిన ప్రశ్నలకు మంత్రి వివరణ ఇచ్చారు. తాగునీటి సమస్యలు వీలైనంత త్వరగా పరిష్కరించి.. ఇంకా ఎవరికైతే నల్లా కనెక్షన్​ రాలేదో.. వారికి నల్లా కనెక్షన్​ ఏర్పాటు చేస్తామన్నారు. మంచిర్యాల జిల్లాలోని కొమురంభీం ప్రాజెక్టు నుంచి మిషన్​ భగీరథ ద్వారా పెద్దమోతాదులో మున్సిపాలిటీలకు మంచినీరు అందిస్తున్నామని.. మున్సిపల్​ కార్పోరేషన్​ ద్వారా ఆయా ప్రాంతాలకు కావల్సిన మంచినీటి సౌకర్యం కల్పిస్తామన్నారు. ఔటర్​ రింగ్​రోడ్డు పరిధిలోని అన్ని ప్రాంతాలకు నల్లా కనెక్షన్​ ఇచ్చి మంచీనీటి సౌకర్యం కల్పిస్తామని మంత్రి తెలిపారు. అవసరమైన ప్రాంతాల్లో అదనపు నిధులు కేటాయించి తాగునీటి సౌకర్యం కల్పిస్తామని.. ఇంటింటికీ నల్లా కనెక్షన్​ ఇచ్చి తాగునీటి సమస్య లేకుండా చేయడమే సర్కారు లక్ష్యమని.. ఈ క్రమంలో చాలావరకు లక్ష్యాలు పూర్తి చేశామని మంత్రి తెలిపారు.

ఇదీ చూడండి: రాష్ట్రంలో కొత్తగా 2,426 కరోనా కేసులు, 13 మరణాలు