హైదరాబాద్ సరూర్ నగర్ స్టేడియంలో ఈనాడు, ఈతరం క్లబ్ ఆధ్వర్యంలో గత రెండు రోజులుగా సాగిన ఈనాడు స్పోర్ట్స్ లీగ్ 2019 పోటీలు నేటితో ముగిశాయి. బహుమతుల కార్యక్రమానికి ముఖ్యఅతిథిగా జీహెచ్ఎంసీ జోనల్ కమిషనర్ ఉపేందర్ రెడ్డి హాజరయ్యారు. ప్రాంతీయ విభాగాలుగా ఉత్తమ ప్రతిభ కనబర్చిన విద్యార్థులకు ప్రశంసా పత్రాలతో పాటు షీల్డ్లను అందజేశారు.
కబడ్డీ పోటీల్లో బాలికల విభాగంలో షాద్ నగర్కు చెందిన తెలంగాణ ట్రైబల్ కళాశాల విద్యార్థినులు మొదటి బహుమతి గెలుచుకోగా.. బాలుర విభాగంలో లయోలా అకాడమీ కాలేజ్ విద్యార్థులు మొదటి బహుమతిని కైవసం చేసుకున్నారు. వాలీబాల్ బాలికల విభాగంలో మెహిదీపట్నం సెయింట్ జాన్స్ కళాశాల విద్యార్థినుల తొలి బహుమతి చేజిక్కించుకోగా.. బాలుర విభాగంలో కేశంపేటకు చెందిన వికాస్ జూనియర్ కళాశాల విద్యార్థులు మొదటి బహుమతి గెలుచుకున్నారు.
అలాగే చెస్, బ్యాడ్మింటన్, కోకో పోటీల్లో ఉత్తమ ప్రతిభ కనపరిచిన విద్యార్థులకు ప్రశంసా పత్రాలతో పాటు షీల్డ్లను అందజేశారు. ఈ సందర్భంగా గెలిచిన విద్యార్థినులు స్టెప్పులతో అలరించారు.
ఇవీ చూడండి: ఉల్లి ఘాటు తీరిందో లేదో.. ఇక వంట నూనెల మంట!
