నిండు ప్రాణాన్ని బలిగొన్న అపోలో వైద్యులు

రోజురోజుకూ ఆస్పత్రులకు వెళ్లాలంటే భయపడిపోతున్నారు ప్రజలు. వారి నిర్లక్ష్యానికి అమాయకులు బలి అవుతున్నారు. శనివారం నాడు సికింద్రాబాద్ అపోలోలో ఆపరేషన్ చేసిన కొద్ది సమయానికి...ఓ మహిళా వృద్ధురాలు ప్రాణాలు విడిచింది. వైద్యుల నిర్లక్ష్యం వల్ల మహిళ చనిపోయిందని బంధువులు, కుటుంబ సభ్యులు ఆరోపిస్తున్నారు.

సికింద్రాబాద్ అపోలో ఆస్పత్రిలో వైద్యుల నిర్లక్ష్యంతోఓ నిండు ప్రాణం బలైంది. ఆపరేషన్ చేసి అప్పటి వరకు బాగుందని చెప్పిన వైద్యులు కాసేపటికే ఆ వృద్ధురాలు చనిపోయిందన్నారు.

అనుమానం:

నాగోల్​కు చెందిన పుష్ప(68) వెన్నెముక సమస్యతో బాధపడుతోంది. గత మూడు రోజుల క్రితం సికింద్రాబాద్ అపోలోలో చేరింది. వైద్యులు ఆమెకు ఆపరేషన్ చేశారు. 'భాగానే ఉంది. కాసేపట్లో జనరల్ వార్డుకు పంపుతామని చెప్పి.. మళ్లీ అంతలోనే చనిపోయిందని వైద్యులు తెలపడంతో కుటుంబ సభ్యులు అనుమానం వ్యక్తం చేస్తున్నారు. డాక్టర్లనిర్లక్ష్యంతోనే తమ తల్లి ప్రాణం పోయిందని ఆందోళన చేపట్టారు. మరణానికిగల కారణాలు ఇప్పటికీ చెప్పట్లేదని ఆవేదన వ్యక్తం చేశారు.

పుష్ప అకస్మాత్తుగా చనిపోవడం వెనుక కారణాలు చెప్పాలని కుటుంబీకులు కోరారు. నిందితులపై కఠిన చర్యలు తీసుకోవాలని డిమాండ్ చేశారు.

ఇవీ చదవండి:'కరీంనగర్'​ నుంచే 'కారు' ప్రయాణం