కొవిడ్ వంటి మహమ్మారి నుంచి రక్షించుకోవడం కోసం సామాన్యులకు సైతం అందుబాటులో ఉండే విధంగా ఎస్మార్క్ ఆర్ఆర్ టెండర్స్ సంస్థ విభిన్న రకాలలో కొవిడ్ రక్షణాత్మక దుస్తులను అందుబాటులోకి తీసుకువచ్చింది. కొవిడ్ వచ్చినప్పుడు కేవలం పీపీఈ కిట్స్ ప్రాధాన్యంతో కేవలం డాక్టర్ కిట్స్ మాత్రమే తయారు చేసేవారు. ప్రస్తుతం వీటి ప్రాధాన్యత పెరగడం వల్ల వారి వారి అవసరాలకు అనుగుణంగా కొవిడ్ రక్షణాత్మక దుస్తులను రూపొందిస్తున్నారు.
14 రకాల్లో...
ప్రస్తుతం ఎస్మార్క్ సంస్థ 14 రకాలైన కొవిడ్ రక్షణాత్మక దుస్తులను రూపొందించి వాటిని దేశవిదేశాలలో విక్రయిస్తున్నట్లు ఆ సంస్థ ఎండీ వరకాంతం కలహర్ రెడ్డి తెలిపారు. 95 జీఎస్ఎం ఫ్యాబ్రిక్తో దుస్తులు రూపొందిస్తున్నట్లు ఆయన చెప్పారు. ఇందులో వైద్యులకు, కరోనా పేషెంట్లకు, ఔట్పేషెంట్లకు, ఎమర్జెన్సీ ట్రావెల్స్... ఇలా 14 రకాలైన రక్షణాత్మక దుస్తులను అందిస్తున్నట్లు ఆయన తెలిపారు.
తప్పనిసరైంది...
కరోనా రక్షణాత్మక దుస్తులు అనేవి తప్పనిసరి దుస్తులుగా మారిపోయిందని వివరించారు. మాస్క్ను ఏ విధంగా ధరిస్తారో.. అదేవిధంగా కొవిడ్ రక్షణాత్మక దుస్తులను ప్రతి ఒక్కరూ వినియోగిస్తున్నారని అందుకే వాటికి ప్రస్తుతం మార్కెట్లో మంచి డిమాండ్ ఉందని తెలిపారు. రక్షణాత్మక కిట్స్లో దుస్తులతో పాటు మాస్క్, హ్యాండ్ గ్లౌజ్, పాదాలకు గ్లాజ్, తలకు సంబంధించిన క్యాప్, శానిటైజన్ ఇలా అన్ని రకాలైన వస్తువులను అతి తక్కువ ధరలకే అందిస్తున్నామన్నారు.
పది రూపాయల నుంచి 555 రూపాయల వరకు తమ వద్ద కిట్స్ లభిస్తాయని కలహర్ రెడ్డి పేర్కొన్నారు. సామాన్యులు, ఉద్యోగులు, ప్రయాణాలు చేసేవారికి అనుగుణంగా వీటిని డిజైన్ చేసి అందిస్తున్నట్లు ఆయన చెప్పారు.
ఇదీ చూడండి: సినీ పరిశ్రమతో డ్రగ్స్ ముఠా లింకులపై ఆరా
