ఆన్లైన్ రుణయాప్లపై తీసుకున్న చర్యలపై హైకోర్టుకు డీజీపీ మహేందర్ రెడ్డి నివేదిక సమర్పించారు. రుణ యాప్‌లపై హైకోర్టులో ఈ రోజు విచారణ జరిగింది. వాటికి సంబంధించి 56 కేసులు నమోదు చేసి... రుణాల కోసం వేధిస్తున్న 118 మొబైల్ నంబర్లను గుర్తించినట్లు ఉన్నత న్యాయస్థానానికి డీజీపీ వెల్లడించారు. 290 రుణ యాప్‌లను గుర్తించి నిలిపివేసినట్లు తెలిపారు.
ఈ మోసంలో భారత్‌తో పాటు చైనా, ఇతర దేశీయుల ప్రమేయం ఉందని... ఆర్బీఐ అనుమతి లేని రెండు ఎన్ఎఫ్బీఐలను గుర్తించినట్లు ధర్మాసనానికి డీజీపీ వివరించారు. అనుమతిలేని ఎన్ఎఫ్బీఐలపై ఏం చర్యలు తీసుకున్నారని డీజీపీని ప్రశ్నించిన హైకోర్టు... మరిన్ని వివరాలతో 4 వారాల్లో మరో నివేదిక సమర్పించాలని ఆదేశించింది.
ఇదీ చదవండి: ఎమ్మెల్యేగా గెలిస్తే ప్రజలకు అందుబాటులో ఉంటా: నోముల భగత్
