తెరాస సభ్యత్వ నమోదులో సికింద్రాబాద్ నియోజకవర్గం అగ్రస్థానంలో నిలస్తుందని ఉప సభాపతి తీగుల్ల పద్మారావు గౌడ్ ధీమా వ్యక్తం చేశారు. నియోజకవర్గంలోని సీతాఫల్మండి డివిజన్లో పార్టీ సభ్యత్వ నమోదు ప్రక్రియను ఆయన ప్రారంభించారు.
తెరాసకు సికింద్రాబాద్ నియోజకవర్గం కంచు కోటగా నిలిచిందని పద్మారావు గౌడ్ అన్నారు. ప్రజారంజకమైన పాలనను ప్రభుత్వం అందిస్తోందని వెల్లడించారు. పార్టీ సభ్యత్వం తీసుకున్న వారికి వివిధ సదుపాయాలు ఉంటాయని పద్మారావు పేర్కొన్నారు. సభ్యత్వ నమోదు ప్రక్రియను విజయవంతం చేయాలని.. కార్యకర్తలు ఇంటింటికీ తిరిగి సభ్యత్వం చేయించాలని కోరారు.
ఈ కార్యక్రమంలో ఎమ్మెల్సీ శంభీపూర్ రాజు, డిప్యూటీ మేయర్ శ్రీలత, ఇన్ఛార్జి నరేంద్రనాథ్, కార్పొరేటర్లు సామల హేమ, కంది శైలజ, లింగాని ప్రసన్న లక్ష్మి, తెరాస సమన్వయకర్తలు తదితరులు ల్గొన్నారు.
ఇదీ చదవండి: ఆ రోజుకోసం ఆసక్తిగా ఎదురుచూస్తున్న: కేటీఆర్
