హైదరాబాద్ రాజేంద్రనగర్ పోలీస్స్టేషన్ పరిధిలోని చింతల్మెట్ వద్ద ఫరీద్ అనే 5 ఏళ్ళ బాలుడికి విద్యుదాఘాతం వల్ల తీవ్రగాయాలయ్యాయి. అతని పరిస్థితి విషమంగా ఉండడం వల్ల ఆసుపత్రికి తరలించి చికిత్స అందిస్తున్నారు. చింతల్మెట్ వద్ద ఉర్దూ మీడియం పాఠశాల ఆవరణలో ఏర్పాటు చేసిన ట్రాన్స్ఫార్మర్ తీగలు తేలి ప్రమాదకరంగా ఉంది. బాలుడు ఫరీద్ ఆడుకుంటూ వెళ్లి ట్రాన్స్ ఫార్మర్కు తగలడం వల్ల విద్యాదాఘాతంతో చేతులు, కాళ్ళతో పాటు తలకు గాయాలై రక్తస్రావం జరిగింది. స్థానికులు హుటాహుటిన ఆసుపత్రికి తరలించారు. అధికారుల నిర్లక్ష్యంపై స్థానికులు మండిపడ్డారు. జనావాసాల మధ్య రక్షణ చర్యలు లేకుండానే ట్రాన్స్ఫార్మర్ను ఏర్పాటు చేయడం వల్లనే బాలుడికి గాయాలయ్యాయని ఆగ్రహం వ్యక్తంచేశారు. గతంలో కూడా ఇలాంటి ఘటనలు జరిగినా.. అధికారులు పట్టించుకోలేదని వాపోయారు. బాలుడికి జరిగిన ప్రమాదంపై పూర్తిగా విద్యుత్ అధికారులే బాధ్యత తీసుకోవాలని డిమాండ్ చేశారు.
ఇవీ చూడండి: బుల్లితెర నటి అదృశ్యం... అనుమానం ఎవరి మీదంటే..?
