ఇంటర్ ఫలితాల్లో ప్రభుత్వ వైఫల్యాన్ని ఎండగడుతూ సీపీఐ నగర కమిటీ ఈరోజు రాజ్భవన్ ముట్టడికి ప్రయత్నించింది. ఖైరతాబాద్ రైల్వే స్టేషన్ నుంచి రాజ్భవన్కు ర్యాలీగా బయలు దేరిన సీపీఐ నేతలను పోలీసులు అడ్డగించారు. ఈ క్రమంలో ఇరువురి మధ్య తోపులాట జరిగింది. ఆందోళనకారులను పోలీసులు అదుపులోకి తీసుకున్నారు.
గ్లోబరీనా యజమానిని అరెస్టు చేయాలి
విద్యార్థుల బలవన్మరణానికి కారణమైన గ్లోబరీనా యజమానిని అరెస్టు చేసి విద్యాశాఖ మంత్రి బర్తరఫ్ చేయాలని సీపీఐ నగర కార్యదర్శి నరసింహా డిమాండ్ చేశారు. రీవెరిఫికేషన్, రీ వాల్యూయేషన్ ఉచితమని చెప్పినా అంతర్గతంగా సున్నా మార్కులొచ్చి ఫెయిలైన వారి పేపర్లు మాత్రమే పునఃమూల్యాంకనం చేస్తున్నారని మండిపడ్డారు.
గవర్నర్ స్పందించాలి
దరఖాస్తు చేసుకున్న వారందరి పేపర్లు రీవెరిఫికేషన్ కాకుండా రీవాల్యుయేషన్ చేయాలని అప్పుడే వారు ఎలా రాశారో లోపం ఎక్కడుందో తెలుస్తుందన్నారు. ప్రభుత్వం నిమ్మకు నీరెత్తిన్నట్లు ఉందని ఆరోపించారు. రాజ్యాంగబద్ధమైన పదవిలో ఉన్న గవర్నర్ అయినా ఈ విషయంపై స్పందించి విద్యార్థుల భవిష్యత్కు భరోసా ఇవ్వాలని కోరారు.
ఇదీ చూడండి : నిన్న దీక్ష విరమణ... నేడు డిశ్చార్జ్...
