Hyderabad police new year celebrations : హైదరాబాద్లో నూతన సంవత్సర వేడుకలు ఘనంగా జరిగాయి. తెలుగుతల్లి ఫ్లైఓవర్ ప్రధాన కూడలి వద్ద హైదరాబాద్ సీపీ సీవీ ఆనంద్ పోలీస్ సిబ్బందితో కలిసి వేడుకల్లో పాల్గొన్నారు. ఈ సందర్భంగా కేక్ కట్ చేసి ఒకరికొకరూ నూతన సంవత్సర శుభాకాంక్షలు తెలుపుకున్నారు.
ఈ సందర్భంగా సీపీ ఆనంద్... హైదరాబాద్ నగర ప్రజలకు నూతన సంవత్సర శుభాకాంక్షలు తెలియజేశారు. గత రెండేళ్లుగా కొవిడ్ మహమ్మారి ప్రభావంతో అసాధారణ పరిస్థితులు నెలకొన్నాయని... 2022లో సాధారణ పరిస్థితులు నెలకొంటాయని ఆశాభావం వ్యక్తం చేశారు. నగర పోలీసులు ప్రజలకు మరింత సేవ చేసేందుకు ముందుంటారని.. ట్రాఫిక్‌, డ్రగ్స్‌, నేరాలను నియంత్రిస్తామని తెలిపారు.
సికింద్రాబాద్ క్లాక్టవర్ వద్ద
సికింద్రాబాద్ క్లాక్టవర్ వద్ద హైదరాబాద్ నగర పోలీసులు నూతన సంవత్సర వేడుకలు జరుపుకున్నారు. కార్యక్రమానికి హాజరైన హైదరాబాద్ సీపీ సీవీఆనంద్ కేక్ కట్ చేశారు. నూతన సంవత్సరం అందరికీ కలిసిరావాలని, నగర ప్రజలందరికీ శుభాకాంక్షలు తెలియజేశారు. వేడుకల్లో నార్త్ జోన్ డీసీపీ చందనాదీప్తితో పాటు ఏసీపీలు, సిబ్బంది పాల్గొన్నారు.
ఇదీ చూడండి: కొత్త సంవత్సరం నుంచి ఏటీఎం ఛార్జీల పెంపు
