బత్తిని పేరుతో నకిలీ మెడిసిన్..

ప్రపంచవ్యాప్తంగా కరోనా మహమ్మారి విజృంభిస్తోంది. ఇది అదునుగా చేసుకున్న ఓ ముఠా కొవిడ్​-19 వైరస్​కు ఔషధాలు ఉన్నాయంటూ ఆన్‌లైన్‌లో ప్రచారం చేసింది. పలువురి నుంచి డబ్బులు సైతం వసూలు చేసింది. సమాచారం తెలుసుకున్న పోలీసులు రంగంలోకి దిగి గుట్టు రట్టు చేశారు.

కరోనా వైరస్ సోకకుండా ఔషధాలు ఉన్నాయంటూ ఆన్‌లైన్‌లో నకిలీ మందులు విక్రయిస్తున్న ముఠాను పోలీసులు అరెస్టు చేశారు. హైదరాబాద్ జూబ్లీహిల్స్ కేంద్రంగా

బత్తిని ఆయుర్వేదం పేరుతో ఆ ముఠా కార్యకలాపాలు సాగిస్తున్నట్లు ఫిర్యాదులు వచ్చాయి. వెంటనే అప్రమత్తమైన పోలీసులు... రంగంలోకి దిగి నలుగురిని అరెస్టు చేశారు. నిందితుల నుంచి లక్ష రూపాయల విలువైన నకిలీ ఔషధాలు స్వాధీనం చేసుకున్నారు.

కరోనా వైరస్‌, లాక్‌డౌన్ ఆంక్షల నేపథ్యంలో ఈ తరహా ముఠాల బారినపడకుండా ప్రజలు అప్రమత్తంగా ఉండాలంటున్న పశ్చిమ మండలం డీసీపీ ఏఆర్‌ శ్రీవివాస్‌తో మా ఈటీవీ భారత్​ ప్రతినిధి కె.శ్రీనివాస్ ముఖాముఖి.

ఇదీ చూడండి : మనమరాలికి కిడ్నీ సమస్య..యాచకుడిగా మారిన తాత