సచివాలయం కూల్చివేతపై సుప్రీంకోర్టులో జీవన్ రెడ్డి పిటిషన్

తెలంగాణ సచివాలయం భవనాల కూల్చివేతపై సుప్రీంకోర్టులో కాంగ్రెస్​ ఎమ్మెల్సీ జీవన్​ రెడ్డి వ్యాజ్యం దాఖలు చేశారు. హైకోర్టు తీర్పుపై స్టే ఇవ్వాలని కోరారు. ఇదే విషయమై రాష్ట్ర ప్రభుత్వం కేవియట్​ పిటిషన్​ దాఖలు చేసింది.

సచివాలయం భవనాల కూల్చివేతపై సుప్రీంకోర్టులో పిటిషన్ దాఖలైంది. హైకోర్టు తీర్పును సవాలు చేస్తూ కాంగ్రెస్​ ఎమ్మెల్సీ జీవన్​ రెడ్డి వ్యాజ్యం దాఖలు చేశారు. హైకోర్టు తీర్పుపై స్టే ఇవ్వాలని కోరారు. ఇదే విషయమై తెలంగాణ ప్రభుత్వం కేవియట్​ పిటిషన్​ దాఖలు చేసింది. తమ వాదన వినకుండా ఎలాంటి ఆదేశాలు ఇవ్వొద్దని కోరింది. గత జూన్​ 29న హైకోర్టు సచివాలయం కూల్చివేతకు అనుమతి ఇచ్చింది. దీనిపైనే ఆయన సుప్రీంను ఆశ్రయించారు.

మరోవైపు ఇవాళ హైకోర్టులో కూల్చివేత ఆపాలని తెజస ఉపాధ్యక్షుడు పీఎల్​ విశ్వేశ్వరరావు, తెలంగాణ ఇంటి పార్టీ అధ్యక్షుడు చెరుకు సుధాకర్ దాఖలు చేసిన పిటిషన్లపై విచారణ జరిగింది. కూల్చివేతలకు సంబంధించిన అనుమతులున్నాయా అని అడ్వకేట్ జనరల్ బీఎస్​ ప్రసాద్‌ను ధర్మాసనం ప్రశ్నించింది. అనుమతుల పత్రాలు సమర్పించేందుకు సమయం ఇవ్వాలని ఏజీ కోరారు. దీంతో కూల్చివేత ఆపాలని మధ్యంతర ఉత్తర్వులు ఇచ్చింది.

ఇదీ చదవండి: కూల్చివేత ఎఫెక్ట్​: ఆలయం, మసీదు దెబ్బతినటంపై సీఎం ​విచారం