నిరుద్యోగుల వయసు మీరిపోతోందని.. ఖాళీగా ఉన్న ఉద్యోగాలు భర్తీ చేయమని ప్రభుత్వాన్ని ఆదేశించాలని కాంగ్రెస్ పార్టీ రాష్ట్ర మానవ హక్కుల కమిషన్కు ఫిర్యాదు చేసింది. నియామకాల పేరుతో ఉద్యమం చేసి సాధించుకున్న రాష్ట్రంలో గత 6 సంవత్సరాలుగా ప్రభుత్వ ఉద్యోగాలు భర్తీ కావడం లేదని పీసీసీ అధికార ప్రతినిధి హర్షవర్ధన్రెడ్డి కమిషన్కు వివరించారు. ఉపాధి కల్పన అవకాశాలు లేవని.. ఫలితంగా రాష్ట్రంలోని సుమారు 20 లక్షల మంది నిరుద్యోగుల జీవితాలు, వారి హక్కులు హరించుకుపోతున్నాయని ఆవేదనన వ్యక్తం చేశారు.
సకాలంలో ఉద్యోగాలు భర్తీ కాకపోవడం వల్ల సుమారు 3 లక్షల మంది యువకుల వయో పరిమితి దాటిపోయి.. వారి బతుకులు వ్యర్థమవుతున్నాయని కమిషన్కు వివరించారు. చదువుకున్న ప్రతి వ్యక్తికీ ప్రభుత్వ ఉద్యోగం ఇవ్వడం సాధ్యం కాకపోయినప్పటికీ.. ఉద్యోగాల భర్తీ ప్రక్రియ మాత్రం చేపట్టాలని కోరారు. రాష్ట్రంలోని ప్రభుత్వ శాఖల్లో, కార్పొరేషన్లలో సుమారు 3 లక్షల ఉద్యోగాలు ఖాళీగా ఉన్నాయని.. వాటన్నింటికి నోటిఫికేషన్లు విడుదల చేయాలని ప్రభుత్వాన్ని డిమాండ్ చేశారు.
ఇదీచూడండి.. నగరవాసులకు కాంగ్రెస్ శ్రేణులు అండగా ఉండాలి: రేవంత్
