జీహెచ్ఎంసీ ఎన్నికల్లో తమ ఓటు ఎక్కడుందో తెలుసుకునేందుకు అవస్థలు పడాల్సి వస్తోంది. ఏ పోలింగ్ బూత్లో ఉందో తెలుసుకోవడానికి మొబైల్ యాప్ అందుబాటులో ఉన్నా ఎలాంటి ఉపయోగం లేదంటున్నారు గ్రేటర్ ప్రజలు. ఓటరు కార్డు నంబరుతో వెతికినా సమాచారం లభించకపోవడంతో నిరాశగా వెనుదిరుగుతున్నారు.
గత ఎన్నికల్లో ఓటు వేసిన వాళ్లు అదే పోలింగ్ బూతుకు వస్తే ఓటు మరోచోట ఉందని చెప్పడంతో అవస్థలు పడ్డారు. కుటుంబసభ్యుల్లో వేర్వేరు పోలింగ్ బూతులు కేటాయించడంతో ఓటు వేసేందుకు ఆసక్తి చూపడంలేదు. కొందిరికి రెండు ఓట్లు ఉండడంతో ఓటింగ్ శాతంపై ప్రభావం చూపుతోంది. ఒకే పేరుతో ఓటరుకు రెండు, మూడు చోట్ల ఓట్లు జాబితాలో పేర్లు నమోదయ్యాయి.
