అత్యవసరమైతేనే రండి : సిటీ సివిల్ కోర్టు

కరోనా వైరస్​ను నివారించేందుకు హైదరాబాద్​ సిటీ సివిల్ కోర్టులో అత్యవసర కేసులనే విచారించాలని నిర్ణయం తీసుకున్నారు. ఈ విషయాన్ని వాద ప్రతివాదులు, సాక్ష్యులు గుర్తించాలని చీఫ్ జడ్జి సూచించారు. తప్పనిసరి అయితే తప్ప కోర్టుకు రావద్దని కోరారు.

కరోనా వైరస్ నేపథ్యంలో సిటీ సివిల్ కోర్టులో అత్యవసర కేసులనే విచారించాలని నిర్ణయించారు. ఈ మేరకు సివిల్ కోర్టు ముఖ్య న్యాయమూర్తి ఆదేశాలు జారీ చేశారు. ఈ నెల 31 వరకు అత్యవసర కేసులను మాత్రమే విచారించనున్నారు. పిటీషనర్లు, న్యాయవాదులు, సాక్ష్యులు దీన్ని పరిగణలోకి తీసుకోవాలని చీఫ్ జడ్జి సూచించారు. వాద ప్రతివాదులు కూడా అత్యవసరమని భావిస్తే తప్ప న్యాయస్థానానికి రావొద్దని చెప్పారు. కేసు వాయిదా గురించి ఈ కోర్టు వెబ్​సైట్​లో చూసుకోవాలని ఆయన సూచించారు.

ఇదే కోవలో లోకాయుక్త, ఉప లోకాయిక్త...

లోకాయుక్త , ఉప లోకాయుక్త కూడా ఇదే నిర్ణయాన్ని తీసుకున్నారు. ఈ నెల 31 వరకు కేవలం అత్యవసర ఫిర్యాదులను మాత్రమే పరిగణలోకి తీసుకుంటామని లోకాయుక్త రిజిస్ట్రార్ ఒక ప్రకటనలో తెలిపారు. అత్యవసరం అయితే తప్ప ఫిర్యాదుదారులు రావొద్దన్నారు. తప్పనిసరి అనుకుంటే లోకాయుక్త కార్యాలయానికి వచ్చి ఫిర్యాదు చేయొచ్చని లోకాయుక్త రిజిస్ట్రార్ స్పష్టం చేశారు.

ఇవీ చూడండి : అమానుషం: దిశ తరహా ఘటన.. మహిళపై అత్యాచారం, హత్య