Colonel Santhosh jayanthi: హైదరాబాద్ శేరిలింగంపల్లి నియోజకవర్గం భాజపా పార్టీ నాయకులు రవికుమార్ యాదవ్ ఆధ్వర్యంలో చందానగర్లో కల్నల్ సంతోష్ బాబు జయంతిని ఘనంగా నిర్వహించారు. ఈ కార్యక్రమానికి ముఖ్య అతిథిగా నిజామాబాద్ పార్లమెంటు సభ్యులు ధర్మపురి అర్వింద్, కల్నల్ సంతోష్ బాబు సతీమణి సంతోషి పాల్గొని ఆయన చిత్రపటానికి పూలమాలలు వేసి నివాళులర్పించారు.
అనంతరం రక్తదాన శిబిరం ప్రారంభించారు. సరిహద్దుల్లో ప్రాణాలకు తెగించి పోరాడుతున్న సైనికుల సేవలకు ప్రతి వ్యక్తి సెల్యూట్ చేయాలని ఎంపీ ధర్మపురి అర్వింద్ అన్నారు. వీరమరణం పొందిన సంతోష్ బాబుకు నివాళిగా భాజపా ఆధ్వర్యంలో రక్తదాన శిబిరం నిర్వహించడం పట్ల సంతోషం వ్యక్తం చేశారు.
కల్నల్ సంతోష్ బాబు జయంతి సందర్భంగా రక్తదాన శిబిరం ఏర్పాటు చేసినందుకు సంతోషంగా ఉంది. ఇటువంటి సేవాకార్యక్రమాలు భవిష్యత్లో కూడా ఏర్పాటు చేసి ప్రజలకు దగ్గరవ్వాలని రవియాదవ్కు అభినందనలు తెలియజేస్తున్నాను.
-ధర్మపురి అర్వింద్, నిజామాబాద్ ఎంపీ
ఇదీ చదవండి:
