రైతులు నిశ్చింతగా ఉండొచ్చుః సీఎం కేసీఆర్

నీటి కొరత ఉన్న ప్రాంతాల్లోనూ సాగునీరు అందించేందుకు ప్రత్యామ్నాయ ఏర్పాట్లు చేస్తున్నట్లు సీఎం కేసీఆర్ శాసనసభలో తెలిపారు. రాష్ట్రంలో సాగునీటికి కొరత లేదని... వారికెలాంటి ఢోకా రానీయబోమన్నారు.

గోదావరి- ప్రాణహిత కలిసిన చోట సరిపడ నీటి లభ్యత ఉందని ముఖ్యమంత్రి కేసీఆర్ అసెంబ్లీలో తెలిపారు. జలాశయాల్లో తగినంత నీరు లేకపోయినా... సాగునీరు అందించేందుకు ప్రత్యామ్నాయ ఏర్పాట్లు చేస్తున్నామని.. రైతులు నిశ్చింతగా ఉండొచ్చని భరోసానిచ్చారు. సింగూరు, నిజాంసాగర్​కు నీటి కొరత ఉందని... దానిపై సమావేశం ఏర్పాటు చేసి ప్రత్యేక దృష్టి పెడతామన్నారు. రాష్ట్రంలో ఈ సంవత్సరం మాత్రమే కరవు ఉంటుందని... వచ్చే ఏడాది కాళేశ్వరం జలాలు వస్తాయని తెలిపారు. ఈ ప్రాజెక్టు ద్వారా సుమారు 45 లక్షల ఎకరాలకు నీరందుతుందని సీఎం చెప్పారు.

ఇదీ చదవండిః సింగరేణి కార్మికులకు రూ. ఒక లక్షా 8వందల 99 దసరా బోనస్​