నటి శ్రావణి ఆత్మహత్య కేసులో నిందితులకు ముగిసిన కస్టడీ

బుల్లితెర నటి శ్రావణి ఆత్మహత్య కేసులో నిందితుల కస్టడీ ముగిసింది. ప్రధాన నిందితులుగా ఉన్న సాయికృష్ణా రెడ్డి, దేవరాజ్​ లను లోతుగా విచారించిన ఎస్.ఆర్.నగర్ పోలీసులు ఇద్దరి నుంచి పూర్తి వివరాలు సేకరించారు. శ్రావణి-దేవరాజ్​ల ఫోన్ కాల్స్​ రికార్డులకు సంబంధించి మరింత లోతుగా ప్రశ్నించారు. శ్రావణి ఆత్మహత్యకు ముందు జరిగిన పరిణామాలపై మరోమారు ఇద్దరి స్టేట్​మెంట్​లను రికార్డు చేశారు.

ఆత్మహత్యకు ముందు రోజు శ్రావణి ఇంట్లో సాయికృష్ణా రెడ్డి ప్రవర్తించిన తీరుపై పోలీసులు అతడిని ఆరా తీశారు. ఈనెల 7న దేవరాజ్-శ్రావణి కలుసుకున్న బేగంపేటలోని రెస్టారెంట్ సీసీటీవీ ఫుటేజీలను పరిశీలిస్తూ.. జరిగిన పరిణామాలపై మరోసారి  విచారించారు. పూర్తి స్టేట్​మెంట్​ను రికార్డు చేశారు. ఈ మేరకు నిందితులను రేపు న్యాయస్థానంలో హాజరుపర్చనున్నారు.