ఈ ఏడాది ఖరీఫ్లో ధాన్యం సేకరణకు అన్ని ఏర్పాట్లు చేశామని రాష్ట్ర పౌరసరఫరాల సంస్థ ఛైర్మన్ మారెడ్డి శ్రీనివాసరెడ్డి తెలిపారు. కేసీఆర్ ప్రభుత్వం చేపట్టిన చర్యలు కారణంగా పంట దిగుబడి భారీగా పెరిగిందన్నారు. ప్రతిగింజా కొనుగోలు చేయాలనే ముఖ్యమంత్రి కేసీఆర్ ఆదేశాలకు అనుగుణంగా పనిచేస్తున్నామని చెప్పారు.
60 నుంచి 65 లక్షల మెట్రిక్ టన్నుల ధాన్యం కొనుగోలు చేసేందుకు ప్రణాళికలు సిద్ధం చేశామని పౌరసరఫరాల శాఖ కమిషనర్ అకున్ సబర్వాల్ పేర్కొన్నారు. ఇప్పటికే 300 కొనుగోలు కేంద్రాలు ప్రారంభించామని తెలిపారు. మరో 20 రోజుల్లో పూర్తిస్థాయి కేంద్రాలు ఏర్పాటు చేస్తామన్నారు. 16 కోట్ల గన్నీ సంచులను అందుబాటులో ఉంచామన్నారు. ఈ సందర్భంగా కనీస మద్దతు ధరకు వరి ధాన్యం పేరిట కరపత్రాన్ని ఛైర్మన్, కమిషనర్ ఆవిష్కరించారు.
ఇవీచూడండి: శివానుగ్రహం పొందాలంటే.. ఇలా చేయండి
