అశ్రిత అనాథాశ్రమంలో చిన్నారుల అదృశ్యం

అనాథాశ్రమంలో ఇద్దరు చిన్నారులు అదృశ్యమయ్యారు. వారిని చైల్డ్​లైన్​ వారు అక్కడ చేర్చారు. రెండురోజుల్లోనే వారు కనిపించకుండా పోవడం కలకలం రేపింది.

ఇద్దరు పిల్లలు అదృశ్యమయ్యారు. ఈ ఘటన సికింద్రాబాద్​లోని మహంకాళి పోలీస్ స్టేషన్ పరిధిలో చోటుచేసుకుంది. చిన్నారులు చంద్రాయన గుట్టకు చెందిన వారిగా పోలీసులు గుర్తించారు. తల్లిదండ్రులు చనిపోవడంతో పిల్లలు అనాథలయ్యారు. యాచకులుగా మారారు. చైల్డ్​లైన్ అధికారులు వారిని మహంకాళి పోలీస్ స్టేషన్ పరిధిలో ఉన్న ఆశ్రిత అనాథాశ్రమానికి తరలించారు.

రెండురోజుల పాటు అనాథాశ్రమంలో ఉన్న పిల్లలు ఉదయం తమ బ్యాగులను తీసుకుని ఆశ్రమం నుండి వెళ్లిపోయినట్లు పోలీసులు తెలిపారు. ఆశ్రమంలో ఉండడం ఇష్టం లేకనే ఈ ఇద్దరు పిల్లలు వెళ్ళిపోయినట్లు పోలీసులు పేర్కొన్నారు. అనాథాశ్రమం నిర్వాహకుడు మహేష్ ఫిర్యాదు మేరకు పోలీసులు కేసు నమోదు చేసుకుని దర్యాప్తు ప్రారంభించారు. పిల్లలు ఎక్కడికి వెళ్లారు అనే కోణంలో సీసీ పుటేజ్ ద్వారా పరిశీలిస్తున్నారు.

ఇదీ చూడండీ: బంగారం వ్యాపారి పుట్టిన రోజుతో 20 మందికి కరోనా