దేశవ్యాప్తంగా కరోనా ప్రభావం అధికంగా ఉన్న హాట్‌స్పాట్‌ జిల్లాల జాబితాను కేంద్ర ప్రభుత్వం విడుదల చేసింది. 170 జిల్లాలను హాట్‌స్పాట్‌ కేంద్రాలుగా ప్రకటించింది. లాక్‌డౌన్‌ కాలం పొడిగించినందున అవకాశం ఉన్నంత మేరకు కరోనా వ్యాప్తిని నివారించేందుకు ఆ సమయాన్ని సద్వినియోగం చేసుకోవాలని కోరింది. ఈ మేరకు కేంద్ర ఆరోగ్యశాఖ కార్యదర్శి ప్రీతిసూడాన్‌ రాష్ట్రాలకు ప్రత్యేక లేఖ రాశారు.
హాట్ స్పాట్‌ జిల్లాలతో పాటు కంటైన్‌మెంట్‌ ప్రదేశాల వివరాలను అన్ని రాష్ట్రాలకు పంపారు. తెలుగు రాష్ట్రాల్లో 19 జిల్లాలు హాట్‌స్పాట్‌ జాబితాలో ఉన్నాయి. తెలంగాణలో 8 జిల్లాలను హాట్‌స్పాట్లుగా కేంద్రం ప్రకటించింది. ఏపీలో శ్రీకాకుళం, విజయనగరం మినహా మిగతా 11 జిల్లాలు హాట్స్పాట్ల జాబితాలోనే ఉన్నాయి.
తెలంగాణలో హాట్‌స్పాట్‌ జిల్లాలు..
- హైదరాబాద్‌, నిజామాబాద్‌, వరంగల్‌ అర్బన్, రంగారెడ్డి, జోగులాంబ గద్వాల, మేడ్చల్‌ మల్కాజిగిరి, కరీంనగర్‌, నిర్మల్‌.
ఏపీలో..
విశాఖపట్నం, తూర్పుగోదావరి, పశ్చిమగోదావరి, కృష్ణా, గుంటూరు, ప్రకాశం, నెల్లూరు, కడప, కర్నూలు, అనంతపురం, చిత్తూరు.
