బోయిన్​పల్లిలో కారు బీభత్సం

హైదరాబాద్​లోని బోయినిపల్లిలో కారు బీభత్సం సృష్టించింది. మద్యం మత్తులో కారు నడిపిన ఓ వ్యక్తి వల్ల ఒకరు గాయాలపాలయ్యారు. నాలుగు ద్విచక్ర వాహనాలు ధ్వంసం అయ్యాయి.

సికింద్రాబాద్ బోయినిపల్లిలో గ్రాండ్ ఓ కారు బీభత్సం సృష్టించింది. మద్యం మత్తులో ఉన్న ఓ వ్యక్తి విచక్షణ కోల్పోయి కారు నడుపుతూ హోటల్ పైకి దూసుకెళ్లాడు. అర్ధరాత్రి 12 గంటల సమయంలో బోయినిపల్లిలోని స్వీట్​హార్ట్ హోటల్ వద్ద ఈ ప్రమాదం చోటుచేసుకుంది. కారు వేగంగా హోటల్లోకి దూసుకెళ్లడం వల్ల అక్కడ ఉన్న ​స్థానికుడు వినయ్​ గాయాలపాలయ్యాడు. వినయ్​ని ఢీకొట్టి హోటల్ వద్ద పార్క్ చేసి ఉన్న నాలుగు ద్విచక్ర వాహనాలపైకి కారు దూసుకెళ్లింది. చోదకుడిని బోయిన్​పల్లి పోలీసులు అదుపులోకి తీసుకున్నారు. వినయ్ పరిస్థితి విషమించడం వల్ల కిమ్స్ ఆసుపత్రికి తరలించారు.

ఇదీ చూడండివచ్చే ఏడాది దూరవిద్యలో సెమిస్టర్ విధానం