'బోరబండ డివిజన్​ అభివృద్ధి.. డిప్యూటీ మేయర్​ ఘనతే'

కులమతాలకతీతంగా బోరబండ డివిజన్​ను అభివృద్ధి చేసిన ఘనత డిప్యూటీ మేయర్​ బాబా ఫసీయూద్దీన్​ది అని బోరబండ అర్చకుల సంఘం ప్రశంసించింది. డివిజన్​లోని దేవాలయాలు గతం కన్నా ఇప్పుడే ప్రగతి పథంలో నడుస్తున్నాయని తెలిపారు. ​

హైదరాబాద్​ నగర డిప్యూటీ మేయర్​ బాబా ఫసీయూద్దీన్​పై సామాజిక మాధ్యమాల్లో వస్తోన్న కథనాలు అవాస్తవమని తెరాస కార్యకర్తలు ఖండించారు. కులమతాలకతీతంగా బోరబండ డివిజన్​ను అభివృద్ధి చేశారని అర్చకుల సంఘం పేర్కొంది.

బోరబండలోని దేవాలయాలు కేసీఆర్​ హయాంలోనే అభివృద్ధి చెందాయని అర్చకులు తెలిపారు. తమకు సరైన సమయంలో జీతాలు ఇచ్చిన ఘనత తెరాస ప్రభుత్వానిదని కొనియాడారు. కావాలనే కొందరు డిప్యూటీ మేయర్​పై అసత్య ఆరోపణలు చేస్తున్నారని ఆరోపించారు. తప్పుడు వార్తలు సృష్టించిన వారిపై కఠిన చర్యలు తీసుకోవాలని పోలీసులను కోరారు.

• ఇదీ చూడండి: అత్యవసరమైతేనే కేసులు విచారిస్తాం: హై కోర్టు