తెలంగాణలో 2023లో ఎగిరేది కాషాయ జెండానే అని భాజపా రాష్ట్ర అధ్యక్షుడు బండి సంజయ్ స్పష్టం చేశారు. శివాజీ జయంతి సందర్భంగా హైదరాబాద్‌ బోరబండలో భజరంగ్‌ దళ్‌ నిర్వహించిన 'మహా హారతి' కార్యక్రమానికి ఆయన హాజరయ్యారు. బోరబండలో భాజపా, భజరంగ్‌ దళ్‌ శివాజీ విగ్రహం ఏర్పాటును తలపెట్టగా..... అనుమతి లేదని పోలీసులు అడ్డుకున్నారు. ఆందోళనలు జరగకుండా భారీగా పోలీసులు మోహరించారు.
బోరబండకు చేరుకున్న బండి సంజయ్...శివాజీ చిత్రపటానికి పూలమాల వేసి నివాళి అర్పించారు. విగ్రహం ఏర్పాటును అడ్డుకోవడంపై... ఆగ్రహం వ్యక్తం చేశారు. వచ్చే ఎన్నికల్లో అధికారంలోకి వచ్చి గ్రామగ్రామాన శివాజీ విగ్రహాలు ఏర్పాటుచేస్తామని ఉద్ఘాటించారు.
ప్రతి గ్రామంలో శివాజీ విగ్రహం పెడతాం: బండి సంజయ్
ఇదీ చదవండి: స్మార్ట్ సిటీ కోసం రాష్ట్ర వాటా కేటాయించాలి : బండి సంజయ్
