'రైతుల భూముల్లో లింక్​ రోడ్డు వేస్తే సహించేది లేదు'

ఉప్పల్​లో మాస్టర్ ప్లాన్​కు భిన్నంగా అధికారులు లింక్ రోడ్డు వేస్తున్నారని భాజపా నాయకులు ఆరోపించారు. అలాంటి వారిపై చర్యలు తీసుకోవాలని కోరుతూ జీహెచ్ఎంసీ ఉప కమిషనర్ అరుణకుమారికి వినతిపత్రం అందించారు.

హైదరాబాద్​ ఉప్పల్​లో భాజపా నాయకులు భారీ ర్యాలీ నిర్వహించారు. మాస్టర్​ ప్లాన్​తో సంబంధం లేకుండా స్థిరాస్తి వ్యాపారుల కోసం హెచ్​ఎండీఏ, పిర్జాదిగూడ నగర కార్పొరేషన్​ అధికారులు లింక్​ రోడ్డు వేస్తున్నారని ఆరోపించారు.

రైతులకు ఎలాంటి నోటీసులు ఇవ్వకుండా వారిని భయబ్రాంతులకు గురిచేస్తున్నారని తెలిపారు. రైతుల భూముల్లో నుంచి లింక్​ రోడ్లు వేస్తే సహించేది లేదని హెచ్చరించారు. అలాంటి వారిపై తక్షణమే చర్యలు తీసుకోవాలని కోరుతూ జీహెచ్​ఎంసీ ఉపకమిషనర్​ అరుణకుమారికి వినతిపత్రం సమర్పించారు.