BJP Leaders Election Campaign Impact Telangana : గోల్కొండ ఖిల్లాపై కాషాయ జెండా ఎగురవేయడమే లక్ష్యంగా పెట్టుకున్న బీజేపీ.. ఎన్నికల షెడ్యూల్ వెలువడినప్పటి నుంచి ప్రచారాన్ని ముమ్మరం చేసింది. ఇప్పుడు పోలింగ్కు సమయం దగ్గర పడటంతో ప్రచారాన్ని మరింత వేగవంతం చేసింది. రాష్ట్రవ్యాప్తంగా బహిరంగ సభలు, సమావేశాలు, రోడ్ షోలతో ప్రచారాన్ని హోరెత్తిస్తోంది. ఆ పార్టీ నాయకులు ప్రధాన మంత్రి నరేంద్ర మోదీ, జాతీయ అధ్యక్షుడు జేపీ నడ్డా, కేంద్ర మంత్రులు అమిత్ షా, రాజ్నాథ్ సింగ్, నితిన్ గడ్కరీ, నిర్మలా సీతారామన్, పీయూష్ గోయల్, అనురాగ్ సింగ్ ఠాకూర్, బీజేపీ పాలిత రాష్ట్రాల ముఖ్యమంత్రులు యోగి అదిత్యనాత్, ప్రమోద్ సావంత్, హిమంత బిశ్వ శర్మతో పాటు పలువురు జాతీయ నాయకులు రాష్ట్రంలో సుడిగాలి పర్యటనలు చేస్తూ ఓటర్లలను ఆకట్టుకున్నారు. అగ్ర నేతల ప్రచారంతో నిస్తేజంలో ఉన్న కాషాయ పార్టీ గ్రాఫ్ కాస్త మెరుగు పడినట్లు తెలుస్తోంది.
PM Modi Campaign Impact in Telangana : తెలంగాణ అభివృద్ధి చెందాలంటే.. రాష్ట్రంలో డబుల్ ఇంజన్ సర్కార్ రావాలనే నినాదంతో బీజేపీ ముందుకు సాగుతోంది. నరేంద్ర మోదీ సంక్షేమ పథకాలు, దేశాభివృద్ధి, తెలంగాణకు కేటాయించిన నిధులు, బీఆర్ఎస్ సర్కార్ వైఫల్యాలను అగ్ర నాయకత్వం, పార్టీ అభ్యర్థులు క్షేత్రస్థాయిలో ఎండగడుతున్నారు. పార్టీ సాంప్రదాయ ఓటు బ్యాంకుతో పాటు వివిధ సామాజిక వర్గాలను ఆకట్టుకునేలా వ్యూహాలు అమలు చేస్తోంది. బీసీ ముఖ్యమంత్రి నినాదంతో కమలం పార్టీ ఎన్నికలను ఎదుర్కొంటోంది.
బీఆర్ఎస్ మునిగే నావ అని కేసీఆర్కు అర్థమైంది - తెలంగాణలో మార్పు తథ్యం : నరేంద్ర మోదీ
BJP Winning Chance in Telangana : బీసీల రాజ్యాధికారం, ఆత్మగౌరవం, ఎస్సీ వర్గీకరణను ప్రధాన ఎజెండాగా బీజేపీ తీసుకుంది. మోదీ గ్యారంటీ - బీజేపీ భరోసా పేరిట మేనిఫెస్టోలో హామీలను పేర్కొంది. రాష్ట్ర వ్యాప్తంగా 119 స్థానాలు ఉండగా బీజేపీ 111 సీట్లలో పోటీ చేస్తోంది. పొత్తులో భాగంగా జనసేనకు 8సీట్లు కేటాయించింది. గత ఎన్నికల్లో గోషామహల్లో మాత్రమే విజయం సాధించింది. 105 చోట్ల డిపాజిట్లు కోల్పోయింది. ఈసారి మాత్రం గట్టి పోటీని ఇస్తోందని పార్టీ వర్గాలు అభిప్రాయం వ్యక్తం చేస్తున్నాయి. ముఖ్యంగా 28 స్థానాల్లో ప్రభావాన్ని చూపనుందని పార్టీ నేతలు చెబుతున్నారు. ఈ ప్రభావం ఎవరిపైన చూపుతుందనే భయం ప్రత్యర్థి పార్టీ అభ్యర్ధులకు పట్టుకుంది.
తెలంగాణలో కుటుంబపాలన అంతానికి సమయం ఆసన్నమైంది : జేపీ నడ్డా
BJP Impact of BRS Leaders Winning Chance : ఉమ్మడి అదిలాబాద్ జిల్లాలో ఐదు స్థానాల్లో గట్టి పోటీ ఇస్తోందని.. బోధ్, నిర్మల్, ఖానాపూర్, ముదోల్, అదిలాబాద్ అసెంబ్లీ నియోజకవర్గాల్లో ఖచ్చితంగా రెండు నుంచి మూడు స్థానాల్లో బీజేపీ విజయం సాధిస్తుందని పార్టీ నాయకత్వం ఆశాభావం వ్యక్తం చేస్తోంది. ఉమ్మడి కరీంనగర్ జిల్లాలో అరు చోట్ల గట్టి పోటీ ఇస్తోందని.. వేములవాడ, చొప్పదండి, కోరుట్ల, కరీంనగర్, హుజురాబాద్, మానకొండూరులో తన ప్రభావాన్ని చూపుతుందని.. ఈ ఆరు స్థానాల్లో రెండు లేదా మూడు సీట్లలో బీజేపీ గెలిచే అవకాశాలు ఉన్నట్లు విశ్లేషకులు అంచనా వేస్తున్నారు.
వారసులను పదవుల్లో కూర్చోబెట్టాలని కాంగ్రెస్, బీఆర్ఎస్ మధ్య ఒప్పందం: అమిత్ షా
BJP Impact of Congress Leaders Winning Chance : ఉమ్మడి మెదక్ జిల్లాలో గజ్వేల్, దుబ్బాకలో అధికార పార్టీకీ బీజేపీ గట్టి పోటీని ఇస్తోందని.. వీటితో పాటు కామారెడ్డి, మునుగోడు, మహేశ్వరం, కల్వకుర్తి, గోషామహాల్, అంబర్ పేట, శేరి లింగంపల్లి, పఠాన్ చెరువు, మహబూబ్ నగర్ వంటి స్థానాల్లో త్రిముఖ పోటీని ఇవ్వనుందని బీజేపీ నాయకులు ఆశాభావం వ్యక్తం చేస్తున్నారు. ఈ పోరులో బీజేపీ కొన్ని స్థానాల్లో కాంగ్రెస్, మరికొన్ని స్థానాల్లో బీఆర్ఎస్ విజయావకాశాలను దెబ్బ తీసే ప్రమాదం ఉందని చెబుతున్నారు.
అధికార పార్టీకి దీటుగా ప్రతిపక్షాల జోరు - ప్రచారంలో హోరెత్తిస్తున్న బీజేపీ జాతీయ నేతలు
