హైదరాబాద్లో కురిసిన వర్షాలకు చాలా ప్రాంతాల్లో ప్రజలు తీవ్ర ఇక్కట్లకు గురయ్యారు. వీరికి కలిగిన నష్టానికి ప్రభుత్వం రూ. పది వేల ఆర్థిక సహాయాన్ని ప్రకటించింది. అయితే ఎల్బీనగర్ పరిధిలో అధికార పార్టీ నాయకులు.. నిజమైన లబ్ధిదారులకు ఆర్థిక సాయం అందించట్లేదని భాజపా నేతలు ఆరోపించారు. ఈ మేరకు సీఎం కేసీఆర్కు వ్యతిరేకంగా నినాదాలు చేస్తూ జీహెచ్ఎంసీ సర్కిల్ కార్యాలయం ఎదుట బైఠాయించారు.
భాజపా నాయకులు ధర్నా చేపట్టడం వల్ల కొత్తపేట- సరూర్నగర్ రాకపోకలకు తీవ్ర అంతరాయం ఏర్పడింది. ఇప్పటికైనా తెరాస ప్రభుత్వం స్పందించి.. నిజమైన బాధితులకే ఆర్థిక సహాయం అందేలా చూడాలని డిమాండ్ చేశారు. వెంటనే స్పందించిన పోలీసులు రంగప్రవేశం చేసి ధర్నా చేస్తున్న వారిని అదుపులోకి తీసుకుని అరెస్ట్ చేశారు.
ఇదీ చదవండిః లిఫ్టులో ఇరుక్కున్న మంత్రి... 20 నిమిషాలు నరకం
