కొవాగ్జిన్ తయారీలో కొత్తగా పుట్టిన దూడ సీరం వాడుతున్నారంటూ సామాజిక మాధ్యమాల్లో జరుగుతున్న ప్రచారంపై ఆ సంస్థ స్పందించింది. వ్యాక్సిన్ల తయారీలో కొత్తగా పుట్టిన దూడ సీరం వాడతారన్న మాట నిజమే అయినప్పటికీ కొవిడ్ వ్యాక్సిన్లో వీటిని వినియోగించటం లేదని స్పష్టం చేసింది. లేగదూడ సీరం వాడారనే ఆరోపణల్లో వాస్తవం లేదని తెలిపింది.
సాధారణంగా వైరస్ కణాల పెరుగుదల కోసం ఈ సీరంని వినియోగిస్తారని ప్రకటించిన భారత్ బయోటెక్... కొవిడ్ వ్యాక్సిన్ల తయారీలో మాత్రం ఏ ఒక్క దశలోనూ దూడ సీరం వినియోగించలేదని స్పష్టం చేసింది. కొవాగ్జిన్లో నిష్క్రియ చేసిన వైరస్ని మాత్రమే వినియోగించినట్టు ప్రకటించింది.
ఇదీ చదవండి: సాధారణ జలుబు‌తో కొవిడ్ నుంచి రక్షణ!
