శ్రీరాముడిపై అనుచిత వ్యాఖ్యలు చేసిన సినీ విమర్శకుడు కత్తి మహేశ్పై భజరంగ్ దళ్ కార్యకర్తలు దాడి చేసేందుకు యత్నించారు. హైదరాబాద్ ఖైరతాబాద్లోని ఐమాక్స్ థియేటర్లో సినిమా వీక్షించి వెళ్తున్న సమయంలో... ఆయన కారును ముగ్గురు వ్యక్తులు అడ్డగించారు. ఆయనకు వ్యతిరేకంగా నినాదాలు చేస్తూ... దాడికి యత్నించారు.
ఆ ముగ్గురూ ఠాణాకు...
అక్కడే విధులు నిర్వహిస్తున్న సైఫాబాద్ పోలీసులు కార్యకర్తలను అడ్డుకున్నారు. అనంతరం కత్తి మహేశ్ను అక్కడి నుంచి పంపించేసి... నిందితులను సైఫాబాద్ ఠాణాకు తరలించారు. దాడి చేసిన వారిని భజరంగ్ దళ్కు చెందిన రాజ్ కుమార్, వెంకట్, సాయి రాజులను పోలీసులు గుర్తించారు. శ్రీరాముడిపై అనుచిత వ్యాఖ్యలు చేసిన కారణంగా కత్తి మహేశ్పై సైబర్ క్రైమ్ పోలీసులు గతంలో కేసు నమోదు చేశారు.
కత్తి మహేశ్పై దాడికి యత్నించిన ముగ్గురు నిందితులు అరెస్ట్
