ఓయూ దూరవిద్యాకేంద్రంలో బహుజన సాహిత్య జాతర

భారత రాజ్యాంగ పరిరక్షణే ధ్యేయంగా సీఏఏ, ఎన్ఆర్​సీకి వ్యతిరేకంగా ఇవాళ ఓయూ దూర విద్యాకేంద్రంలో "బహుజన సాహిత్య జాతర" నిర్వహించారు. కార్యక్రమానికి ముఖ్య అతిథిగా ప్రెస్​ అకాడమీ ఛైర్మన్​ అల్లం నారాయణ హాజరయ్యారు.

సీఏఏ, ఎన్​ఆర్​సీ ఎన్​పీఆర్​కు వ్యతిరేకిస్తూ ఓయూ దూరవిద్యాకేంద్రంలో బహుజన సాహిత్య జాతర ఘనంగా జరిగింది. రాష్ట్రంలోని మేధావులు, కవులు, కాళాకారులు సమావేశంలో పాల్గొన్నారు. కార్యక్రమానికి ముఖ్య అతిథిగా ప్రెస్​ అకాడమీ ఛైర్మన్​ అల్లం నారాయణ హాజరయ్యారు. రాజ్యాంగ పీఠిక గురించి 70 ఏళ్ల తర్వాత మాట్లాడుకోవడం బాధాకరమని వక్తలు అభిప్రాయపడ్డారు.

సీఏఏ, ఎన్ఆర్​సీ ముస్లిం ప్రజలకే కాకుండా... రానున్న రోజుల్లో అన్ని వర్గాల ప్రజలకి ప్రమాదకరమని సూచించారు. ఆర్ట్స్​ కాలేజీ నుంచి వేదిక వరకు ప్రియాంబుల్​ మార్చ్​ నిర్వహించారు. కార్యక్రమంలో వక్తలు డా. గాలి వినోద్ కుమార్, జీలకర్ర శ్రీనివాస్, డా. గోగు శ్యామల, లక్ష్మీనర్సయ్య, అంబటి సురేందర్ రాజు, వినోదిని, గోరటి వెంకన్న, సుంకిరెడ్డి నారాయణ రెడ్డి, సంగిశెట్టి శ్రీనివాస్​, గాజోజు నాగభూషణం తదితరులు హాజరయ్యారు.