అసదుద్దీన్ ఓవైసీ ఇంటింటి ప్రచారం

పార్లమెంట్ ఎన్నికలు సమీపిస్తున్న వేళ అభ్యర్థులు ప్రచారాన్ని ముమ్మరం చేశారు. హైదరాబాద్​లో వరుసగా నాలుగోసారి విజయం సాధించేందుకు ఎంఐఎం అధినేత అసదుద్దీన్ ఇంటింటి ప్రచారం చేపట్టారు. ఉదయమే నియోజకవర్గంలో పర్యటించి ఓటర్లను కలుసుకున్నారు.

హైదరాబాద్​ ఎం​ఐఎం ఎంపీ అభ్యర్థి అసదుద్దీన్ ఓవైసీ గోషామహల్​లోని పలు ప్రాంతాల్లో ప్రచారం నిర్వహించారు. ఉదయం నుంచే కార్యకర్తలతో కలిసి ఇంటింటి ప్రచారం చేస్తున్నారు. ప్రతి ఒక్కరిని పలకరిస్తూ... పాతబస్తీకి చేసిన అభివృద్ధిని వివరించారు. అందరూ ఓటు హక్కు వినియోగించుకోవాలని విజ్ఞప్తి చేశారు. మరోసారి గెలిపిస్తే నగరాన్ని మరింత అభివృద్ధి చేస్తానని హామీ ఇచ్చారు.

ఇవీ చూడండి:నామపత్రాల సమర్పణకు నేడే ఆఖరి రోజు