భాజపా, కాంగ్రెస్.. రెండు పార్టీలు దేశానికి అవసరమేనని సంగారెడ్డి ఎమ్మెల్యే జగ్గారెడ్డి అన్నారు. ఇప్పుడున్న పరిస్థితుల్లో మోదీ, అమిత్‌ షా ఆర్టికల్ 370, 35ఏ రద్దు చేయడం తన వ్యక్తిగతంగా సరైనదేనని భావిస్తున్నట్లు చెప్పారు. మోదీ, అమిత్‌ షా ఆర్టికల్ 370 రద్దు చర్చలో నెహ్రూపై ఆరోపణలు చేయడం సబబుకాదన్నారు. కాంగ్రెస్ పార్టీ ఓటు బ్యాంకు రాజకీయాలు చేయదని... సీటు కోసం తన భావాలు చంపుకోదని స్పష్టం చేశారు. కశ్మీర్‌ ప్రజలు పాకిస్థాన్‌లో కలపడానికి ఇష్టపడ్డారని... పాకిస్థాన్ నుంచి కాశ్మీర్‌ను కాపాడడం కోసం నెహ్రూ ఆర్టికల్ 370, 35ఏ తీసుకువచ్చారని వివరించారు. ఆ రోజు మోదీ, అమిత్‌ షా ఉన్నా అదే నిర్ణయం తీసుకునే వారని చెప్పారు.
ఇదీ చూడండి: జమ్ముకశ్మీర్ కోసం ప్రాణాలైనా అర్పిస్తా: షా
