జాతీయస్థాయిలో సీపీఐ నిర్వహిస్తున్న సమావేశాలకు అన్ని ఏర్పాట్లు పూర్తయ్యాయి. దేశ నలుమూలల నుంచి ప్రతినిధులు ఈ సదస్సుకు హాజరు కానున్నారు. హైదరాబాద్‌ హిమాయత్నగర్లోని మగ్దుమ్ భవన్ వేదికగా రేపటి నుంచి ఈ నెల 31 వరకు సమావేశాలు జరగనున్నట్లు సీపీఐ జాతీయ కార్యదర్శి నారాయణ వెల్లడించారు.
రేపు జాతీయ కార్యవర్గ సమావేశం జరగనుంది. ఈనెల 30, 31 తేదీల్లో జాతీయ సమితి సమావేశాలు జరగనున్నాయి. ఎర్రజెండాలు, తోరణాలతో సీపీఐ రాష్ర్ట కార్యాలయం ఎరుపు రంగును సంతరించుకుంది. ఈ సదస్సుకు సీపీఐ జాతీయ కార్యదర్శి డి.రాజా, అతుల్‌కుమార్‌ అంజన్‌, అమర్‌జిత్‌ కౌర్‌, రాజేంద్రన్‌ హాజరుకానున్నారు. సమావేశ ఏర్పాట్లను పరిశీలించిన సీపీఐ జాతీయ కార్యదర్శి నారాయణ ఏర్పాట్లను పరిశీలించారు. ఈ సమావేశాల్లో దేశ రాజకీయాలు, రైతు ఉద్యమంపై చర్చించి భవిష్యత్‌ కార్యాచరణను రూపొందించనున్నట్లు ఆయన తెలిపారు.
