రాష్ట్రంలో ఉష్ణోగ్రతలు సాధారణంకన్నా పలు ప్రాంతాల్లో అయిదారు డిగ్రీలు అదనంగా పెరగడంతో అధిక వేడి, ఉక్కపోతలతో ప్రజలు ఇబ్బందులు పడుతున్నారు. నైరుతి రుతుపవనాల రాకలో జాప్యం కారణంగా జూన్ రెండోవారంలోనూ ఈ పరిస్థితి కొనసాగుతోందని వాతావరణశాఖ రాష్ట్ర అధికారి శ్రావణి చెప్పారు.
గత నెల 29న కేరళ తీరాన్ని తాకిన రుతుపవనాలు తెలంగాణలోకి ఈ నెల 8కల్లా ప్రవేశిస్తాయని వాతావరణశాఖ తొలుత వేసిన అంచనాలు తప్పాయని.. మరో 2 రోజుల తర్వాత రావచ్చని అంచనా వేశారు . తెలంగాణకు రుతుపవనాలు రావాలంటే ముందుగా కర్ణాటక, రాయలసీమల్లో విస్తారంగా వర్షాలు పడాలి. కానీ ఇప్పుడు ఆయా ప్రాంతాల్లో ఎండలు కాస్తున్నాయని, తెలంగాణలోనే అక్కడక్కడ చిరుజల్లులు, అసాధారణ ఎండలతో మిశ్రమ వాతావరణం ఉన్నట్లు శ్రావణి తెలిపారు.
ఇదీ చదవండి: 'మరో బేసిన్‌కు నీటి కేటాయింపు ఉండాలి'
