ఆంధ్రప్రదేశ్‌లో ఉద్యోగ విరమణ చేసి హైదరాబాద్‌లో స్థిరపడ్డ ఆంధ్రప్రదేశ్ పెంఛరన్స్‌ అసోసియేషన్‌ సంస్థ గాంధీ ఆసుపత్రి వైద్యులను, నర్సులను ఘనంగా సత్కరించింది. కరోనా నియంత్రణ కోసం ముందుండి పోరాటం చేస్తున్న వైద్యులు, నర్సులను గుర్తించి... వారిని ప్రోత్సహించాలనే ఉద్దేశంతో బహుమతులు అందజేసినట్లు ఆ సంస్థ ప్రధాన కార్యదర్శి టిఎంబి బుచ్చిరాజు తెలిపారు.
గాంధీ ఆసుపత్రిలో పని చేస్తున్న 700 మంది వైద్య సిబ్బందికి ఈ బహుమతులు పంపిణీ చేసినట్లు ఆయన పేర్కొన్నారు. అలాగే 45 వేల రూపాయల విలువ చేసే మొబైల్ ఈసీజీ పరికరాన్ని గాంధీ ఆస్పత్రి సూపరింటెండెంట్ రాజారావుకు అందజేసినట్లు చెప్పారు. ఈ కార్యక్రమంలో ఆంధ్రప్రదేశ్ పెంఛనర్స్‌ అసోసియేషన్‌ సెటిల్డ్‌ ప్రధాన కార్యదర్శి రాజు, కార్యదర్శులు చిన్నరెడ్డి, మేడిశేటి, గాంధీ ఆసుపత్రి సూపరిండెంట్‌ రాజారావు, కొవిడ్‌ నోడల్‌ అధికారి ప్రభాకర్‌ తదితరులు పాల్గొన్నారు.
ఇదీ చదవండి : Diagnostics: కరోనా నిర్ధారణ పరీక్షకు వెళ్తే నిలువు దోపిడీ
