రానున్న బల్దియా ఎన్నికల్లో గులాబీ జెండాను ఎగుర వేస్తామని అమీర్పేట్ సిట్టింగ్ తెరాస కార్పొరేటర్ శేషకుమారి ధీమా వ్యక్తం చేశారు. జీహెచ్ఎంసీ ఎన్నికల్లో భాగంగా నామినేషన్ వేయడానికి శుక్రవారం.. శేష కుమారి భారీ ర్యాలీతో తరలి వెళ్లారు. రెండుసార్లు తనను గెలిపించిన ప్రజలకు రుణపడి ఉంటానని కార్పొరేటర్ అన్నారు. మూడోసారి కూడా తనను అఖండ మెజారిటీతో గెలిపించాలని ఓటర్లను అభ్యర్థించారు.
ప్రభుత్వం చేపట్టిన సంక్షేమ పథకాలతో తలసాని శ్రీనివాస్ యాదవ్ ఆధ్వర్యంలో డివిజన్ అభివృద్ధి కోసం ఎంతో కృషి చేశారని శేషకుమారి అన్నారు. అమీర్పేట్ డివిజన్ అభివృద్ధికి మరింత కృషి చేయడానికి ప్రజలు తనకు అవకాశం కల్పించాలని కోరారు. ర్యాలీలో స్థానిక తెరాస కార్యకర్తలు పెద్ద ఎత్తున పాల్గొన్నారు.
ఇదీ చదవండి: 9 మంది సిట్టింగ్‌లకు షాక్‌.. కొత్తవారికి టికెట్ ఇచ్చిన తెరాస
