డెంగీ, మలేరియా, టైఫాయిడ్, వైరల్ వ్యాధుల విజృంభిస్తున్న దృష్ట్యా... మెడికల్ ఎమర్జెన్సీ ప్రకటించాలని బాలల హక్కుల సంఘం గౌరవ అధ్యక్షుడు అచ్యుత రావు రాష్ట్ర మానవ హక్కుల కమిషన్లో పిటిషన్ దాఖలు చేశారు. రాష్ట్ర వ్యాప్తంగా చికిత్స కోసం ప్రత్యేక క్లినిక్లు... బస్తీల్లో సంచార వైద్యశాలలు వెంటనే ఏర్పాటు చేయాలని కోరారు. ముఖ్యంగా పిల్లలు అధికంగా ఈ వ్యాధుల బారిన పడుతున్నారని తెలిపారు. ఒకరి నుండి మరొకరికి వ్యాధి సోకుతున్నందున పాఠశాలలకు సెలవులు ప్రకటించాలని వైద్య, ఆరోగ్య శాఖ ముఖ్య కార్యదర్శి, విద్యా శాఖ కార్యదర్శికి ఆదేశాలు జారీ చేయాలని ఆయన మానవ హక్కుల కమిషన్ను కోరారు.
మెడికల్ ఎమర్జెన్సీ ప్రకటించాలి: అచ్యుత రావు
