యజమాని వద్దే కారు దొంగిలించిన దొంగ జంట

పని చేస్తున్న యజమాని వద్ద నుంచి కారు దొంగిలించి విక్రయించేందుకు ప్రయత్నించిన ముగ్గురు సభ్యులను పటాన్​చెరు పోలీసులు అరెస్ట్ చేసి... వారి వద్ద నుంచి కారును స్వాధీనం చేసుకున్నారు.

జోగులాంబ గద్వాల జిల్లా గట్టు మండలంకు చెందిన మల్లమ్మ భర్తను వదిలి సికింద్రాబాద్​లో కూలి పనులు చేస్తోంది. ఛత్తీస్​ఘడ్​కు చెందిన అజయ్​తో పరిచయం ఏర్పడి ఇద్దరు సహజీవనం చేస్తున్నారు.
భార్యాభర్తలమని చెప్పుకుని నెల రోజుల క్రితం పటాన్​చెరు మండలం ముత్తంగి శివారులోని తుక్కు దుకాణంలో పనికి కుదిరారు. యజమాని నరేంద్ర సింగ్​కు చెందిన కారును అక్టోబర్ 29న దొంగలించారు. గద్వాల్​లోని మల్లమ్మ బంధువు సహాయంతో కారుని విక్రయించేందుకు సిద్ధమయ్యారు. పోలీసులు సమాచారం అందుకుని గద్వాల్ పోలీసుల సహాయంతో వారి ముగ్గురిని అరెస్ట్ చేశారు.

ఇవీ చూడండి: దిల్లీ విమానాశ్రయంలో 'ఆర్​డీఎక్స్' కలకలం